Jeevan mein ek sitara tha
Maana woh behad pyara tha
Woh doob gaya to doob gaya
Ambar ke aanan ko dekho
Kitne iske tare toote
Kitne iske pyare choote
Par bolo toote taron par
Kab ambar shok manata hai
Jo beet gayi so baat gayi ….
Jeewan mein tha who ek kusum
The us pe nitya nyochawar tum
Wo sookh gaya to sookh gaya
Madhuwan ki chaati ko dekho
Sookhi kitni iski kaliyan
Jo murjhai phir kahan khili
Par bolo sookhe phoolon pe
Kab madhuvan shok manata hai ?
Jo beet gayi so baat gayi
Jeewan mein madhu ka pyala tha
Tumne tan man de daala tha
Woh toot gaya to toot gaya
Madiralay ka aangan dekho
Kitne pyaale hil jaate hain
Gir mitti mein mil jate hain
Jo girte hain kab uthte hain
Par bolo toote pyalon mein kab madiralay pachtata hai ?
Mridu mitti ke hain bane huye
Madhu ghat phoota hi kartein hain
Laghu jeewan leke aaye hain
Pyale toota hi karte hain
Phir bhi madiralay ke andar
Madhu ke ghat madhu ke pyale hain
Jo madakta ke mare hain
Wo madhu loota hi karte hain
Wo kachcha peene wala hai
Jiski mamta ghat pyalon par
Jo sachche madhu se jala hua
Kab rota hai chillata hai?
Jo beet gayi so baat gayi ……
3 comments:
The madhu i nthe last fparagraph is not honey its Alcohol..
Usko us abhipraye mai padhiye..It'll make sense
Va Kachcha Peene Wala Hai - he doesn't drink deep.. he doesn't know teh real tatse..
jiski mamta ghat pyalon par - the interest of whom has been reduced to the quantity of cups and not quality of alcohol
Jo Sachchey Madhu Sey Jala Hua : one who has been stung by n knows n loves only the real taste.
Kab rota hai chillata hai - doesnt crib about what he's gone thru..
The last four lines reflect something in ur last post i guess.. u havent dared to love neone so much types..
Thank u.
Pass on my regards.
Post a Comment